Amo 4 | Ndebele | STEP | Zwanini lelilizwi , mankomokazi eBashani , elisentabeni yeSamariya , elicindezela abayanga , elichoboza abaswelayo , elithi emakhosini abo: Lethani sinathe.

Amos 4

1 Zwanini lelilizwi ^a, mankomokazi eBashani ^b, elisentabeni ^c yeSamariya ^d, elicindezela abayanga ^e, elichoboza abaswelayo ^f, elithi emakhosini abo: Lethani sinathe. 2 INkosi uJehova ifungile ngobungcwele bayo, ukuthi, khangelani, insuku zizafika phezu kwenu lapho abazalihudula ngezingwegwe ^g, labalilandelayo ngengwegwe zokubamba inhlanzi ^h. 3 Njalo lizaphuma ngezikhala ⁱ, ngulowo lalowo phambi kwakhe ^j, liziphosele ngasesigodlweni, itsho iNkosi.

UIsrayeli kaphendukelanga eNkosini

4 Wozani ^k eBhetheli ^l, liphambeke ^m, eGiligali landise iziphambeko ⁿ; lilethe imihlatshelo yenu ekuseni ^o, okwetshumi kwenu ngomnyaka wesithathu ^p; 5 litshise umhlatshelo wokubonga ^q ngokuvutshelweyo ^r, limemezele iminikelo yesihle ^s, lizwakalise; ngoba ngokunjalo likuthanda, bantwana bakoIsrayeli, itsho iNkosi uJehova.

6 Ngakho mina ngilinikile futhi ukuhlanzeka kwamazinyo emizini yonke yenu, lenswelo yesinkwa endaweni zenu zonke ^t; kanti kaliphendukelanga kimi ^u, itsho iNkosi. 7 Futhi-ke mina ngaligodlela izulu ^v, kuseselenyanga ezintathu kusiya ekuvuneni ^w; ngalinisa komunye umuzi ^x, kodwa kalinanga komunye umuzi; esinye isiqinti sanethwa, kodwa isiqinti esinganethwanga satsha. 8 Kwasekuzula imizi emibili loba emithathu ^y yayanatha amanzi emzini owodwa, kodwa kayikholwanga; kanti kaliphendukelanga kimi ^z, itsho iNkosi.

9 Ngalitshaya ngokuhanguka langengumane ^aa; ukwanda kwezivande zenu, lezivini zenu, lezihlahla zenu zemikhiwa, lezihlahla zenu zemihlwathi, kwadliwa ^ab zintethe ^ac; kanti kaliphendukelanga kimi ^ad, itsho iNkosi. 10 Ngathumela phakathi kwenu umatshayabhuqe wesifo, ngokwendlela yeGibhithe ^ae, ngabulala amajaha enu ngenkemba, kanye lokuthunjwa kwamabhiza enu ^af; njalo ngenza ivumba lenkamba yenu lenyuka ngitsho emakhaleni enu ^ag; kanti kaliphendukelanga kimi ^ah, itsho iNkosi.

11 Ngachitha abanye phakathi kwenu njengalokho uNkulunkulu wachitha iSodoma leGomora ^ai, lalinjengesikhuni ^{aj
,} ^ak esophulwe ekutsheni ^{al
,} ^am; kanti kaliphendukelanga kimi ^an, itsho iNkosi. 12 Ngakho ngizakwenza ngokunjalo kuwe, Israyeli; ngenxa yokuthi ngizakwenza lokhu kuwe, zilungiselele ukuhlangana loNkulunkulu wakho, Israyeli ^ao.

13 Ngoba khangela, obumba izintaba, lodala umoya, lotshela umuntu ukuthi umcabango wakhe uyini ^ap, owenza ukusa ^aqkube mnyama ^ar, onyathela ^as ezindaweni eziphakemeyo zomhlaba ^{at
,} ^au, iNkosi ^av, uNkulunkulu wamabandla, libizo lakhe ^aw.